Sýningarrýmið endurnýjað

Allt sýningarrýmið hjá Innval hefur nú verið endurnýjað. Nú gefst betri kostur á að skoða það úrval innréttingaefna sem boðið er uppá frá helstu framleiðendum Evrópu. Hvort sem er skúffur og brautir frá Blum, plötur og harðplast frá Egger, ljós frá Domus Line og margvíslegar aðrar vörur. Sjón er sögu ríkari.

EDS Egger sýnishornamappa

Ný vörulína frá Egger

Þann 13. febrúar sl. bauð Innval til kynningar á nýju vörulínunni frá Egger 2020-2022. Plastlagðar spónaplötur, harðplast, hurðabyrði, kantlímingar, lakkað og ólakkað MDF, bakefni – möguleikarnir í efni frá Egger eru næstum óendanlegir.

Og nú eru starfsmenn Innvals að dreifa nýrri sýnishornabók frá Egger fyrir 2020 – 22 vörulínuna. Framleiðendur og hönnuðir geta pantað eintak frá Innval með því að hringja (557 2700) eða senda línu í tölvupósti á innval@innval.is. Síðan mun verða hægt að fá sýnishorn í stærðinni A4 af allri vörulínunni ef á þarf að halda.

Space Step mynd 1

Space Step sökkulskúffa / trappa

Fáðu auka geymslupláss og aðstoð við að ná upp í efstu skápana með Space Step. Nýtt frá Blum. Innval er komið með á lager allt sem til þarf til að útbúa skúffu/tröppu í sökkul innréttinga. Sökkullinn þarf að vera a.m.k. 15 cm. Til að nota skúffuna sem stöðuga tröppu þarf viðkomandi að vera a.m.k. 8 kg að þyngd til að virkja stoppara sem kemur í veg fyrir að skúffan renni til. Hægt að byggja upp með Legrabox eða Tandembox hliðum og brautum eða Movento og Tandem tréskúffubrautum. Hér má kynna sér þessa nýjung frá Blum og einnig fá leiðbeiningar um uppsetningu hér.

Flexiled SE Domus Line

Domus Line hjá Innval

Innval hefur tekið inn lager af lýsingu fyrir innréttingar frá ítalska fyrir tækinu Domus Line. Eingöngu er boðið upp á LED lýsingu, en Domus Line er í fararbroddi í hönnun og þróun á LED lýsingu fyrir hvers konar innréttingar. Hér er hægt að sækja pdf skjal sem sýnir vöruúrval Innvals, en allt sem þar er að finna er komið inn á lager. Um Domus Line má líka fræðast hér.

Feelwood frá Egger

Feelwood frá Egger

Feelwood frá Egger er úrval af viðarmynstrum þar sem yfirborðið fylgir mynstrinu í efninu og gefur því meiri dýpt og karakter. Eigum orðið á lager nokkra valkosti í Feelwood og aðra valkosti má panta með aðeins 3 – 5 vikna afgreiðslutíma. Og ekkert lágmarksmagn. Efnið má einnig fá í harðplasti, húðuðum spónaplötum og harðplötum (Compact efni). Þá framleiðir Egger kantlímingar sem passa við alla þeirra plötuframleiðslu. Hægt er að skoða Feelwood og annað efni frá Egger í þrívídd hér.

Magic rennihurðabraut

Valkostir í rennihurðabrautum

Nú hefur bæst verulega við úrval okkar í rennihurðabrautum frá Terno Scorrevoli á Ítalíu. Ásamt vinsælu Magic – „ósýnilegu“ rennihurðabrautunum (sjá leiðbeiningar hér) fyrir innihurðir (1.100 og 1.800 mm brautir) eigum við nú Classic rennihurðabrautirnar fyrir hurðafleka 960 – 1.100 mm, 1.110 – 1.350 mm og 1.360 – 1.600. Classic er ódýr og einföld lausn. Rennihurðabrautir er hægt að fá í miklu úrvali frá Terno Scorrevoli og bjóðum við fjölda lausna í sérpöntun.

Þá eigum við Zig Zag fellihurðabúnaðinn á frábæru verði og nú líka Frontale rennihurðabúnaðinn fyrir fataskápa. Frontale brautirnar eru 3ja mtr og búnaðurinn fyrir ýmist 2 eða 3 hurðir. Fellihurðir eru falleg og einföld lausn.

Hægt er að nálgast pdf skjöl í tenglunum hér að framan en við sendum einnig með ánægju bæklinga á pdf og verðtilboð.

Legrabox Polar Silver

Aukið úrval í Legrabox

Legrabox línan frá Blum býður nú fleiri möguleika en áður í lit og skúffudýptum. Í fyrsta lagi hefur verið bætt við nýjum lit: Polar Silver, sem er grár litur ögn silfraður. Til að byrja með býður Innval þennan lit aðeins í sérpöntun (eins og svarta litinn og ryðfríu útgáfuna), en sýnishorn eru þegar fyrir hendi. Þá er búið að bæta við eftirfarandi valkostum í dýpt: Í N hæð (66,5 mm) er nú hægt að fá 40 og 55 cm, í K hæð (128,5 mm) kemur nú einnig í 30 og 60 cm og loks F hæðin (241 mm) í 40 cm. Allir þessir nýju valkostir eru nú á leið til okkar hjá Innval í lagerlitunum; hvítu og dökkgráu. Hér má sækja nýjan bækling frá Blum yfir Legrabox línuna.

Viefe skápahöldur

Viefe – nýir valkostir í skápahöldum

Innval hefur samið við nýjan birgja í höldum og gripum, Viefe frá Spáni. Viefe er ungt fyrirtæki sem setur góða hönnun og efnisgæði í öndvegi. Og ekki sakar að verðin eru mjög samkeppnishæf. Þegar hafa verið valdar 10 gerðir til að taka inn á lager. En gott væri einnig að heyra frá viðskiptavinum Innvals hvaða gerðir frá Viefe þeim líst best á. Vörulista Viefe má sjá hér.

Fyrir lítinn markað eins og Ísland getur verið erfitt að halda mikinn lager í úrvali og magni. En Viefe býður skjóta afgreiðslu af lager í öllum þeim stærðum, litum og áferðum sem gefur að líta í vörulista þeirra.

EGGER vörulínan

Kynning á nýrri vörulínu EGGER

Þann 3. mars sl. var haldin kynning á nýrri vörulínu EGGER fyrir húsgagna- og innréttingasmíði. Meira en 300 litir og mynstur af efnum eins og melamine lögðum spónaplötum, harðplasti, Compact skilrúmaefni, kantlímingu o.fl., o.fl. Vörulína sem gildir fyrir tímabilið 2017 – 2019. Kynning var haldin í húsakynnum Innvals að Smiðjuvegi 5 starfsmenn innréttingaverkstæða á Íslandi, hönnuði og arkitekta.

Ásamt starfsmönnum Innvals voru fulltrúar frá EGGER á staðnum, Niels Jörgensen, sölustjóri, og Christian Messner, sem er yfir útflutningsdeild EGGER fyrir þessa vöruflokka.

Kynningin var vel sótt og í kjölfar hennar hafa starfsmenn Innval verið að dreifa sýnishornabókum með nýju vörulínunni.

 

Blum Easy App

Ný útgáfa af smáforritinu Easy App

Komin er ný útgáfa af Blum Easy App, smáforriti fyrir snjallsíma og spjaldtölvur, sem gefur góðar leiðbeiningar um uppsetningar á margs konar búnaði frá Blum s.s. Aventos lyftunum. Innval lét útbúa íslenskan bækling um Easy App, sem nálgast má hér, og býður einnig einfalda uppsetningarmáta ókeypis. Mátann má nálgast hjá Innval en jafnframt sendum við hann hvert á land sem er.